Inter ka fituar titullin kampion të Italisë për herë të 20 në historinë e klubit.
Ky sukses u arrit në derbin me Milan që përfundoi me rezultatin 2 – 1.
Ndeshja u vendos falë golave të Acerbi dhe Thuram, ndërsa Milan realizoi vetëm 1 herë me Tomori, pak për të shtyrë festën e Inter.
Në këtë arritje, kontribut dha edhe shqiptari Kristjan Asllani, i cili e shijoi këtë trofe edhe si tifoz i zikaltërve që në vegjëli.
“Nuk e kemi thënë, por është e vërtetë që ta fitosh titullin në derbi vlen më shumë. E rëndësishme është që e dëshironim këtë titull dhe të shohim përpara. Shumë emocione si tifoz interist dhe në sezonin e dytë me këtë fanelë, nuk mund të kërkoja më mirë”.
Festa nga stadiumi “San Siro” u transferua në rrugët e Milanos, veçanërisht në Piazza Duomo ku ishin mbledhur rreth 15 mijë tifozët interistë.
Triumfi i Inter në Serie A u festua edhe në Tiranë. Tifozët zikaltër ishin mbledhur në amfitetarin te Liqeni Artificial për të ndjekur derbin me Milan.
