Skuadra e Pordenones e kategorisë së katërt për pak sa nuk i ka bërë gjëmën mbrëmë në Kupën e Italisë, Interit që kryeson Serinë A. Skuadrës së Spaletit iu desh 120 minuta lojë që të mundte modestët e kategorive inferiore, dhe e ka zgjidhur ndeshjen vetëm pas penalltive. Trajneri i Interit. Luciano Spalletti kishte vendosur t’i lerë pushim pjesën më të madhe të lojtarëve të skuadrës për këtë ndeshje.
Por strategjia e tij dështoi pasi skuadra e dytë nuk arriti t’i shënojë Pordenones.
Madje në pjesën e parë skuadra e kategorisë së tretë italiane kishte dhe rastet e veta. Në pjesën e dytë, Spalleti, vendosi të fusë në lojë edhe lojtarë si Mauro Icardi e Ivan Perisic.
Por edhe pse më shumë raste, Interi nuk arriti të shënojë dhe ndeshja shkoi në vazhdime (0-0).
Në vazhdime e njëjta histori, Interi sulmonte, ndërsa mysafirët mbroheshin.
