Kanë mjaftuar pak javë nga kampionati italian që të gjithë të binden për cilësitë e Rei Manajt. Sulmuesi shqiptar, i huazuar nga Interi te Peskara është kthyer menjëherë në protagonist me skuadrën e tij, duke shënuar dy gola dhe duke lënë të kuptohet qartësisht se ka një të ardhme në…
Kanë mjaftuar pak javë nga kampionati italian që të gjithë të binden për cilësitë e Rei Manajt. Sulmuesi shqiptar, i huazuar nga Interi te Peskara është kthyer menjëherë në protagonist me skuadrën e tij, duke shënuar dy gola dhe duke lënë të kuptohet qartësisht se ka një të ardhme në elitën e futbollit italian.
Sipas mediave italiane, gjatë ditëve të fundit, në klubin zikaltër filloi të hidhej ideja e kthimit më të shpejtë të sulmuesit shqiptar në bazë, që në janar, duke pasur parasysh se trajneri Frank De Bur i beson shumë të rinjve dhe nuk ka ngurruar t’u krijojë atyre hapësira në formacion. Por Peskara është kundër një hipoteze të tillë dhe duket se ka bindur edhe zikaltërit që do të ishte më mirë që Manaj të mbyllte sezonin te ky klub ku do të aktivizohej më rregullisht.
Palët do të takohen në fund të sezonit për të vendosur se si do të veprojnë me kartonin e sulmuesit, i cili është huazuar me një kontratë mjaft të veçantë. Peskara ka të drejtën e blerjes së kartonit për një shifër të caktuar, por edhe Interi, nëpërmjet një kundëroferte, mund të kthejë përsëri në radhët e tij sulmuesin e talentuar shqiptar.
/panoramasport
