Pjesëmarrja e votuesve në Francë në raundin e dytë të zgjedhjeve legjislative që po mbahen këtë të dielë mund të thyejnë një rekord, të shënjuar në vitin 1997.
67.1% e të regjistruarve në listat zgjedhore kanë ushtruar të drejtën e tyre të votës, sipas një vlerësimi të ri nga Ipsos. Pas mbylljes së qendrave të para të votimit rreth orës 18:30, institucione të tjera sondazhi projektuan norma që janë edhe pak më të larta, e që arrijnë deri në 67.5%.
Në raundin e dytë të zgjedhjeve legjislative të vitit 2022, dolën vetëm 46,23% e votuesve të regjistruar, ndërsa edhe më pak ka qenë në vitin 2017, me 42.6% të votuesve.
Pjesëmarrja finale këtë vit duhet të jetë pak më e lartë se ajo në raundin e parë, të dielën e 30 qershorit, përkatësisht 66.7%. Edhe këtu, kjo normë u rrit me gati 20 pikë krahasuar me vitin 2022 dhe përbën një rekord që nga viti 1997.
