Numri i bizneseve në total vitin e kaluar ra mbi 2%, ndërsa kapitali i huaj shënoi një rënie edhe më të madhe. Instat raporton se sipërmarrjet më me investime nga jashtë ranë 5% vitin e kaluar.
Sipërmarrjet e huaja në vend janë tkurrur vitin e kaluar me mbi 5%. Instituti i Statistikave, raporton se ndërmarrjet me kapital të huaj ranë në rreth 5600, nga gati 5940 që ishin një vit më parë. Ulja vlerësohet të ketë ardhur si me mbyllje të aktivitetit edhe me shitje të aksioneve tek ortakët e tyre shqiptarë. Mes sipërmarrjeve të huaja tkurrja është më e madhe ndërsa vitin që shkoi edhe numri i përgjithshëm i bizneseve në total shënoi rënie. Në qendrën kombëtare të biznesit rezutojnë të regjistruara 2.4% më pak kompani krahasuar me një vit më parë.
Në strukturën e tyre, si mes bizneseve shqiptare dhe të huaja, kryesore ato të përmasave të vogla. Rreth 77% e ndërmarrjeve të huaja kanë më pak se katër individë të punësuar, ndërsa vetëm 5% deklarojnë më shumë se 50 të punësuar.
Mes bizneseve të huaja kryesojnë investimet italiane, të cilat zënë gati gjysmën e kompanive me kapital të huaj. Vendet e tjera fqinje kanë nivele shumë më të ulëta, duke filluar nga Greqia me 9% të totalit të investimeve të huaja dhe Kosova e Turqia me nga 8%.
Statistikat tregojnë se vjet u shtuan investimet nga Kosova.
Në tërësi investitorët e huaj janë fokusuar në shërbime. Mbi 70% e investimeve janë në këtë sektor.
