Mjetet e komunikimit ndryshojnë mënyrën e afrimit apo raportimit ndërmjet sekseve. Për shembull, mjafton të mendojmë kohën e gjyshërve dhe prindërve tanë. Ne, nga ana tjetër jetojmë në revolucionin digjital të marrëdhënieve, në kohën kur sms-të e parë, nuk ju përshtatën rregullave të gjuhës, duke krijuar një kod apo mënyrë të re komunikimi, me modele që shumë prej jush, ndoshta kanë harruar, Nokia, Ericson apo Omnitel. Sms dhe thirrjet kushtonin dhe të gjithë prisnim festat e fundvitit, kur merrje për dhuratë, për një muaj, një numër të pafund mesazhesh falas. Dërgimi apo harxhimi i këtyre mesazheve pastaj ishte çështje principi. Përmbajtja e tyre pastaj ishte ose një kujtim për të bërë sa më parë ofertën verore apo dimërore, ose ndonjë vend takimi apo ndonjë gallatë e ditës. Hiq këto momente mrekullie, pjesa tjetër e vitit ishte një vuatje, sepse duhet të mendoje mirë çdo sms, duke parë që telefonin ta mbushnin ata të shtëpisë. Ndoshta për këtë arsye, filluam të abdikojmë dhe zanoret duke zgjedhur të flasim pa to : “ ok nsr”, “ cpb ?”, “ klm “.
Sikur kjo të mos mjaftonte,ne kemi jetuar dhe ardhje e internetit që nga koha kur ai perceptohej si një vend i rrezikshëm, plot me të panjohur të fshehur mbas identiteteve të rrema, e deri tani kur ke gjithë fisin në Facebook.
Mbasi kaluam fazën e parë të demonizimit , për disa vite askush nuk ja vari cyber sexit, ndoshta sepse kuptuam që në internet, seksi eshte me present se sa vetë zoti. Të parët që e kuptuan ishin prindërit e fëmijëve të turpshëm, kur panë faturat që duheshin paguar . Në fund dhe ata duheshin kuptuar, maksimumi që mund të arrinin ishte ndonjë revistë, ndonjë film erotik bashkë më shumë, shumë fantazi. Filloi pastaj koha e Webcam Girl, që tashmë është shndërruar në një profesion shumë mirë të paguar.
Tani, jemi në mesin e një ndryshimi të ri. Kemi telefonat inteligjentë, rrjetet sociale, sisteme për mesazhet e shpejta, dhe siç i thonë kush kërkon gjen, tashmë mund të shpallim të hapur epokën e Instant ( messaging) Sex: ose erotizmi në kohën e Whatsappit.
Djem dhe burra me maninë për të dërguar në eter imazhe të penisit të tyre, nga kënde të ndryshme, kërkesa të vazhdueshme për një copë mishi, dëshira të thëna e të treguara, e zeze mbi të bardhë, si në gazetë. Fjalë dhë kërkesa që të vijnë gjatë një mbledhje në punë. Dëshira të paturshme që ndjekin njëra-tjetrën më kalimin e ditëve, në një varg fjalësh dhe imazhesh, që kalorojnë njëra mbi tjetrën, në një unicum të vetëm, gjithmonë të ndërlidhur, të gatshëm për të pritur dhe kthyer një stimul celebral, një dëshirë të thellë në bark, një kruarje që bën ditët tona më të këndshme.
Mund të fantazojmë për dikë dhe me dikë që nuk njohim, mund të përshkruajmë pa turp atë çka kemi bërë një natë më parë, mund të luajmë në të gjitha nivelet, në të gjitha hijet e lëkurës që vendosim të zbulojmë. Që pastaj e thënë kështu duket një gjë prej të fiksuarish, por sipas meje nuk është kështu.
Sipas meje dëshira është një gjë e bukur. Sipas meje ka gra dhe burra që të eksitojnë vetëm me dy fjalë. Sipas meje ekzistojnë gra dhe burra që të eksitojnë vetëm me një shikim apo një gjest. Ka shume prej tyre që janë të padurueshëm dhe djegin etapat, ka nga ata që janë më të moderuar si një motor diesel. Ka të tjerë që nuk ja dalin në asgjë. Por, dëshira, ajo është zjarri i jetës. Mënyra që zgjidhni për t’u shprehur, nuk është vetëm një detaj, dhe sikur të ishte e tillë, detaji bën diferencën.
Burimi: Tabu.al
