Në 12 maj të këtij viti do të raportohej për një atentat ndaj një të riu në Vlorë, pranë Urës së Mifolit. Por rreth një muaj më pas, policia thotë se ka zbardhur ngjarjen, e cila ka qenë e inskenuar.
Ndaj 24-vjeçarit Romarjo Alliraj nuk ka patur atentat, por ai e ka inskenuar me shokun e tij ngjarjen.
Sipas raportimit të parë u tha se persona të paidentifikuar kanë tentuar të vrasin 24-vjeçarin, i cili në momentin e sulmit ishte duke drejtuar automjetin e tij Volkswagen Golf në autostradën Vlorë-Levan.
Por hetimet zbuluan se i riu e kishte ndërtuar vetë gjithë skemën me qëllim marrjen e azilit jashtë vendit.
Për këtë arsye të riut Romarjo Alliraj iu vunë prangat i akuzuar për “Kallëzimi i rremë” dhe “Veprime që pengojnë zbulimin e së vërtetës”.
Gjithashtu është arrestuar dhe 51-vjeçari Arben Veliko i cili ka qenë pjesëmarrës në këtë skemë./ Opinion.al
