INSIFA shënon një kapitull të ri në historinë e industrisë së embëlsirave shqiptare me pjesëmarrjen e saj në Panairin e famshëm ISM Cologne 2024 në Gjermani. Ky event, i njohur si takimi më i rëndësishëm botëror për sektorin e embëlsirave, ka bërë që INSIFA jo vetëm të dallohet si e vetmja kompani shqiptare në këtë panair prestigjioz, por edhe të vendosë Shqipërinë në hartën e bizneseve të njohura ndërkombëtarisht në këtë fushë.
Pjesëmarrja historike e INSIFA në ISM Cologne është jo vetëm një dëshmi e qartë e kualitetit dhe standardeve të larta të prodhimit që kompania mbart, por edhe rezultat i një udhëtimi të gjatë dhe të palodhshëm drejt arritjes së përsosmërisë në prodhimin e embëlsirave.
Historia e INSIFA fillon gati 32 vite më parë, kur familja Osmani vendosi të ndërtojë një biznes të qëndrueshëm në Shqipëri, duke filluar me një restorant të vogël dhe më pas duke zgjeruar aktivitetet në prodhimin e embëlsirave. Investimi i tyre në teknologjinë e prodhimit dhe përkushtimi ndaj cilësisë dhe inovacionit ka bërë të mundur që INSIFA të prodhojë sot 180 lloje të ndryshme embëlsirash, të cilat janë të njohura dhe të vlerësuara jo vetëm në Shqipëri, por edhe në tregjet ndërkombëtare. Konkretisht eksportet e tyre shkojnë në shtetet e Kosovës, Maqedonisë, Malit të Zi, Serbisë, Rumanisë, Italisë, Francës, Spanjës, Britanisë së Madhe, Holandës, madje dhe të Kuvajtit e Shteteve të Bashkuara të Amerikës.
Pjesëmarrja në ISM Cologne 2024 është një dëshmi e angazhimit të INSIFA për të qenë në krye të inovacionit dhe cilësisë në industrinë e embëlsirave. Kjo arritje i dedikohet jo vetëm punës së palodhshme dhe investimeve strategjike të familjes Osmani dhe ekipit të INSIFA, por edhe besimit të tyre të palëkundur në standardet e larta dhe në vizionin për të përfaqësuar denjësisht prodhimin shqiptar në skenën botërore. Pjesëmarrja e INSIFA në këtë panair elitar jo vetëm që rrit profilin e kompanisë në tregun ndërkombëtar, por gjithashtu vendos një precedent për bizneset e tjera shqiptare që synojnë të zgjerojnë horizontet e tyre përtej kufijve kombëtarë.
Nëse vendi ynë është në rrugën e duhur për integrimin nv BE, biznese si Insifa janë disa hapa përpara në këtë proces, pasi kanë arritur të përmbushin kërkesat dhe të marrin të gjithë certifikimet përkatëse, pa të cilat ky realitet nuk do të ishte i mundur.
