Me rastin e ditëlindjes së Iniesta, katalanasja “SPORT” ka kërkuar në arkivat e veta për t’i bërë një dhuratë mesfushorit nga Manchego. Një album me disa nga fotot e tij më të mira, i veshur me uniformën e Barcelonës, është produkti! Andres Iniesta mbushi të martën 32 vite jetë. Kapiteni i Barcelonës e rrit historinë e tij Blaugrana çdo ditë që kalon. Kur ishte disa muaj më pak se 20 vjeç, ai mbërriti te Barcelona. Nga ajo kohë e deri më sot, “SPORT” e ka përshkruar karrierën e tij me katalanasit përmes një albumi me 32 fotografi, që përmbledhin trajektoren e numrit “8”.
