Qeveria e Indisë planifikon të bëjë një lëvizje që do të sjellë destabilitet në rajonin e saj. Ajo ka thënë se planifikon të revokojë pjesën e kushtetutës që i jep privilegje të veçanta zonës së Kashmirit që administrohet nga India.
Neni 370, i cili i jep Jammu dhe Kashmir më shumë autonomi se çdo shtet tjetër Indian, është i ndjeshëm sepse është baza sipas të cilit shteti i Kashmirit, i cili drejtohet nga një princ, u bashkua me Indinë.
Ministri i Brendshëm Amit Shah bëri njoftimin në parlament mes protestave masive të opozitës. Ndërsa kjo lëvizje pritet të shkaktojë trazira.
Neni 370 i lejon shtetit kushtetutën e vet, një flamur të veçantë dhe pavarësi mbi të gjitha çështjet, përveç punëve të jashtme, mbrojtjes dhe komunikimit.
Ish-kryeministri i shtetit, Mehbooba Mufti ka shkruar se kjo lëvizje e bën Indinë një forcë pushtuese në këtë shtet.
Si India dhe Pakistani kanë pretendimet e tyre për të gjithë Kashmirin me shumicë myslimane, por ato kontrollojnë vetëm pjesë të tij. Dy fuqitë rajonale kanë luftuar dy luftëra dhe një konflikt të izoluar mbi territor.
Për tre dekada ka pasur një kryengritje kundër autoriteteve në Kashmirin e administruar nga India. /Opinion.al
