Një burrë që vuante nga dhimbjet e stomakut për dy vjet i la mjekët të habitur pasi zbuluan se ai kishte ngrënë më shumë se 60 artikuj, duke përfshirë kufje, vida dhe butona.
Sipas mediave të huaja, Kuldeep Singh, 35 vjeç, shkoi në spital të martën pasi vuante nga një dhimbje barku prej dy vjetësh. Mjekët kryen një radiografi tek pacienti dhe u habitën kur zbuluan një sërë objektesh brenda stomakut të pacientit.
“Gjatë kryerjes së një radiografie, ne gjetëm varëse, zinxhirë, arra, kufje dhe shumë objekte të tjera brenda stomakut”, tha drejtori i Spitalit Moga Medicity në Punjab, Indi .
Njëri nga doktorët shpjegoi se:
“Duke qenë se kishte ngrënë sende të mprehta, kishte plagë të rënda në stomak.Ai shtoi se të afërmit e pacientit nuk ishin në dijeni se ai po hante objekte jo ushqimore.”
Mjekët e diagnostikuan 35-vjeçarin me një sëmundje nga e cila “gëlltet në mënyrë të detyrueshme objekte që nuk janë ushqim”, sipas Klinikës Cleveland.
Sëmundja është më e zakonshme tek fëmijët e vegjël, gratë shtatzëna dhe njerëzit me çrregullime psikiatrike, duke përfshirë veçanërisht çrregullimet e spektrit të autizmit, aftësitë e kufizuara intelektuale ose skizofreninë.
Pacienti iu nënshtrua një operacioni treorësh për të hequr objektet. Sipas mjekëve, 35-vjeçari mbetet i intubuar dhe në gjendje kritike për jetën./Opinion.al
