Ndërsa pothuajse të gjithë tregtarët në tregun e Medresesë në Tiranë kanë ulur qepenat një incident ka ndodhur në brendësi të këtij tregu, ku Policia Private e këtij tregu është përplasur me gazetarin e Neës 24.
Teksa gazetari Erion Skëndaj ishte duke raportuar mbi atë që po ndodhte, në momentin që po komunikonte me një nga tregtarët, një polic privat i është afruar dhe i ka kërkuar të largohet.
Por teksa gazetari i thotë se do të vijojë të përcjellë shqetësimet e tregtarëve për aq kohë sa zgjat protesta e tyre, polici privat e kap nga krahu për ta larguar. Më pas ai i kthehet kameramanit, dhe i kërkon po kështu të largohet.
Gazetari: Për aq kohë sa jam unë më tregtarët nuk mund të dal. Po ndjekim shqetësimet e tyre
Polici privat: Mirë mbaro punë e vazhdo
Gazetari: Nuk kam mbaruar punë. Unë jam qytetar, dhe këtu është treg i lirë.
Polici privat: Vazhdo (dhe tenton të largojë kameramanin)
Gazetari: Mos bëj incidente para kamerës, se nuk ta leverdis
Polici privat: As ty as mua
