Lidhur me incidentin me armë të ndodhur në Shëngjin ku mbeti i plagosur, Florian Dushku, aktivist i LSI-së, Abc News raporton se dyshohet se është qëlluar nga nipi i ish-deputetit Arben Ndoka, Samuel Ndoka.
Në vendngjarje ndodhen forca të shumta policie të cilat kanë rrethuar zonën dhe kanë nisur hetimet për këtë ngjarje të rëndë. Nuk dihet çfarë ka shkaktuar sherrin mes përfaqësuesve të PS dhe të LSI.
Incidenti ndodhi mesditën e sotme në qendrën e votimit të Shëngjinit. Dëshmitari në vendin e ngjarjes, Gjovalin Tusha tha për Opinion.al se persona të armatosur zbritën nga makinat dhe qëlluan ndaj anëtarëve të LSI që qendronin përpara qendrës së votimit.
Mësojmë se tani është nisur drejt Lezhës Kryetari i Kuvendit,Meta. Zyra e shtypit deklaron se “Meta është ne mbrojtje te zgjedhjeve te lira. Bandat e droges nuk mund te mbajne peng Shqiperine”./Opinion.al
