Presidenti i Republikës në axhendën e miratuar për ditën e sotme, kishte planifikuar një takim me Ambasadorët e Republikës së Shqipërisë të akredituar në shtete të huaja.
Takimi i planifikuar në orën 19.30 në selinë e Presidentit të Republikës, është paraprirë nga një incident me oficerët e Gardës së Republikës të atashuar në hyrje të Presidencës.
Oficerët e Gardës së Republikës, të pajisur me një listë ku bënin pjesë vetëm Ambasadorët e akredituar në vendet e huaja, janë përballur edhe me zyrtarë të tjerë të Ministrisë së Punëve të Jashtme të cilët nuk ishin në listën me emrat e ambasadorëve.
Thirrjes së oficerëve të Gardës të Republikës nuk janë në listen e miratuar, pasi nuk kanë detyrën Ambasador, disa prej këtyre zyrtarëve mes të cilëve, Ministri i Punëve të Jashtme Ditmir Bushati, zëvëndës ministrat dhe disa punonjës të tjerë në MPJ, nuk i janë bindur. Por janë futur në ambjentet e brendshme të Presidencës.
Në këto kushte oficerët e Gardës kanë lajmëruar administratën dhe më pas Kreun e Shtetit.
I ndodhur në këto kushte, kur brenda ambjentëve të Presidencës ishin futur persona të paatorizuar të cilët nuk mbanin detyrën e Ambasadorit, Presidenti i Republikës ka urdhëruar anullimin e takimit.
Gjithashtu i është kërkuar Komandës së Gardes së Republikës të sqarojë incidentin e ndodhur, ku persona të paftuar janë futur forcërisht në selinë e kreut të shtetit./Opinion.al
