Pas spërkatjes me salcë që i’u bë pasditen e sotme ministres së Arsimit, Lindita Nikolla, ka reaguar edhe një tjetër socialsit. Deputeti Erjon Braçe i del në krah ministres duke i quajtur aktivistët “spurdhjakë që rrinin sus dhe pranonin sistemin e korruptuar të kioskave universitare që u shembë, kaq dinë, kaq bëjnë”.
Reagimi i plotë i Braçes
“Eshte rrugaçeri! Nuk eshte e majte!
E majta nuk e qellon fizikisht te ndryshmin!
E majta e respekton, e degjon, e pranon, e kundershton me mendim, e sfidon me alternative, te ndryshmin.
Po po, bashkejeton me te, me te ndryshmin!
E majta nuk e qellon nje grua, kurre!
Respekti per te eshte thelbi i nje shoqerie te gjere, perfshirese,
te barabarte, qe ka ne thelb te menduarit, jo dhunen!
Dhuna eshte rrugaceri, kur ka fill ideologjik eshte fashizem!
Lindite e mire!
Rrugaceria nuk te fyen, kurre nuk te poshteron dot!
Spurdhjaket qe rrinin sus dhe pranonin sistemin e korruptuar te kioskave universitare qe ti shembe, kaq dine, kaq bejne, kurre punen qe ti bere.
Fali si nxenesit e tu te dobet. Ke nje jete qe ke patur plot te tille. Dhe do kesh, patjeter do kesh”, shkruan Erion Braçe.
