Një vizite e pakëndshme kjo e Kryeministrit sot në Maliq, ku ndodhej për të shpëndarë titujt e pronësisë. Konfliktet e pronave janë shumë të nxehta në vend dhe Rama s’e ka kaluar lehtë….
“Kam një problem shumë të rëndë, kërkojnë të më eleminojnë fizikisht!”’. Kështu u shpreh një burrë që mori fjalën në takimin e Ramës me banorët e zonës. Ky takim si gjithnjë transmetohej live nga televizionit përmes regjisë së realizuar nga vetë Kryeministria.
Por befas në dy fjalitë e para, transmetimi ndërpritet…
“Kam një problem shumë të rëndë. Kërkojnë të më eleminojnë fizikisht. Petrit Kupja me shokë, komuna Libonik, s’më nxirrnin titull pronësie, për karburant. Të gjitha gjykatat, po i bie shkurt…
(ndërpritet sinjali)
Televizionet rihyjnë të gjitha në transmetim live në kohën kur po fliste një banor tjetër i zonës.
Përpos kësaj as koha nuk ka qenë e favorshme për Ramën. Ai e mbylli duke thënë se “se filloi dhe shiu dhe s’dua t’u mbaj më gjatë se do thoni mirë që trotuarin s’e bëri po na mban dhe në shi”.
