Kreu i PD, Sali Berisha, ka hedhur akuza se kryeministri Edi Rama ka takuar prokurorët që merren me çështjen e inceneratorëve.
Berisha në konferencën për mediat, tha se ka informacione nga burime 100% të besueshme, se një takim është zhvilluar para 10 ditësh në kryeministri, ndërsa një tjetër është zhvilluar para 3-4 ditësh në periferi.
“Veliaj i ka deklaruar në anturazhin e tij, që më kanë ardhur të freskëta fare pak kohë pasi i ka deklaruar. Për mua janë 100% të besueshme. Sa i takon takimeve të zyrtarëve, kërkoj të administrohen të gjitha kamerat dhe të evidentohen të gjithë ata që hyjnë e dalin, apo që zhvillojnë takime me prokurorët e çështjes, por dy informacione janë se një takim i tillë është zhvilluar 10 ditë më parë në kryeministri dhe një takim tjetër është zhvilluar3-4 ditë më parë diku në periferi. As nuk kam foto, as video, se po t’i kisha do i nxjerrja dhe në mungesë të tyre bëj thjesht sinjalizimin publikut se duket se diçka po ndodh”, tha Berisha.
