Deputetja e PD, Ina Zhupa i është drejtuar UNESCO që të futi në listën botërore të vendeve në rrezik Gjirin e Gramës, i cili është dëmtuar qëllimisht nga persona të ndryshëm.
Zhupa theksoi se trashëgimia kulturore është përgjegjësi e institucioneve, por edhe e qytetarëve. Ajo kërkoi reagim nga institucionet që trashëgimi të tilla kulturore të mos dëmtohen edhe të merren sa më shpejt në mbrojtje.
“Unë pash denoncimin tuaj në “Facebook” në gjirin e Gramës. Unë desha të vazhdoja më tutje që të mos ngelesha si faktor opozitar apo të vënies së fajit të ministrisë. Unë i jam drejtuar më 10 shtator drejtorit UNESCO për futjen e Gjirit të Gramës në listën botërore të vendeve në rrezik që mbrohen nga UNESCO. Ne jo vetëm të duhet të dimë të mbrojmë trashëgiminë të tonë, por të jenë edhe të mbrojtura. unë i kam bërë një përshkrim dhe i kam dhënë disa detaje. Duhet të reagojmë dhe ta mbrojmë”,-tha Zhupa.
