Në Shqipëri me kalimin e viteve ështe bërë një revolucion i vërtetë në fushën e imazhit publik. Për ta përkufizuar këtë të fundit, pra imazhin publik fillimisht po i referohemi mënyrës se si të tjerët e perceptojnë atë që ne jemi, përmes asaj që ne duam të tregojme.
E vërteta është se të gjithë përpiqen që përmes formave të ndryshme, kryesisht mediave online të nxjerrin në pah më të mirën e tyre. Në mos më të mirën atë që na intereson më shumë, pra të dergojmë mesazhin që duam në syte dhe veshët e duhur me qëllim që të arrijmë synimet e vendosura.
Një kategori e cila ka filluar ta aplikoje këtë përdorim të imazhit publik me siguri janë politikanët. Sigurisht politika dhe mesazhet gjatë fushatave elektorale janë një moment kulminant ku imazhi publik e ne nje koncept më të gjërë marrëdheniet me publikun marrin funksion të plotë. Marketimi politik I mesazheve përmes fjales dhe figurës ka bërë që me një “Click në internet” dhe me pagesa minimale të arrihen qëllimet e caktuara.
Njërezit e artit, sportistët, madje edhe feja janë tashmë konsumatorët më aktivë të mundësive që të krijon krijimi i një imazhi të duhur publik. Por pyetja që shpesh shtrohet është sa i vërtetë është ky mesazh dhe se sa mund të abuzohet me të?
opinion.al
