Pëllumb Marnikollaj vdiq në mënyrë misterioze në komisariatin e policisë greke. Kjo e fundit pretendoi se i riu ishte hedhur nga dritarja e komisariatit, por dyshimet e familjarëve të tij janë se ai është keqtrajtuar e vrarë nga policia.
Për herë të parë kanë dalë fotot e trupit të Pëllumb Marnikollajt pas vdekjes në morg.
Në fotot e publikuara nga News 24, duken qartë shenjat e dhunës në pjesë të ndryshme të trupit.
“Nga një avokate greke morëm vesh lajmin e hidhur se djali na kishte vdekur. Policia greke e kishte bërë gati ta varroste djalin, sepse trupin ja kishin futur në arkivol.”-ka deklaruar i ati i Pëllumbit.
Ndër të tjera babai i viktimës akuzoi policinë greke se nuk jepnin asnjë informacion në lidhje me ngjarjen. Ai shtoi se pasi kishin këqyrur trupin e djalit, kishin vënë re shenja dhune në trup.
Ndërsa motra e tij tregoi: Erdhi në dasmën time. Ishte kënaqësi e madhe. Ishte alegro. Na tha se nuk kishte bërë asgjë; “jam i pastër, nuk kam bërë asgjë”. Nuk pash asgjë të dyshimtë. Në fjalor shumë i pastër. ‘Hajt se dëgjohemi’, kjo ishte fjala e fundit që dëgjova nga vëllai im.
