Federata Zvicerane e Organizatave Islamike (VIOZ), e ka mbyllur sot xhaminë “An’Nour” në Winterthur të Zvicrës, pasi imami i saj u arrestua disa ditë më parë, nën akuzat se i ka nxitur njerëzit të vrasin njëri-tjetrin.
VIOZ e ka marrë vendimin të premten, dy ditë pasi policia zvicerane bastisi xhaminë “An’Nour” dhe shtëpinë në zonën përreth.
Imami kishte bërë thirrje në fund të tetorit që “myslimanët që refuzojnë të marrin pjesë në faljen e namazit në xhami, të vriten”, kështu ka thënë Zyra e Prokurorit të Zyrih.
Prokuroria ka konfirmuar se do të ndjekë procedurat ligjore ndaj imamit dhe bordit të xhamisë për nxitje të krimit dhe dhunës.
