Kryetari i Kuvendit Ilir Meta nuk ka dashur të komentojë mungesën e tij gjatë votimit të ligjit të mbetjeve, një javë më parë në parlament, por ai la të kuptohet se është pro zbatimit të këtij ligji.
Në një dalje për mediat para Kryesisë së Kuvendit, Meta foli për 3 çështje: Reforma në drejtësi, ligji i mbetjeve dhe kandati për bashkinë e Kolonjës.
Meta për reformën
Votimi i sotëm i disa ligjeve në Komisionin e Posaçëm të Reformës në Drejëtsi tregoi mirëkuptimin që ka mes forcave politike. Mazhoranca i ka votat për këto ligje por është më mirë kur bëhen me konsensus. Presim mesazhe pozitive nga Brukseli.
Meta për plehrat
Z.Vasili në emer të grupit kërkoi që monitorimi të bëhej nga shoqëria civile dhe ky u miratua. Pjesa më sensistive është si do zbatohet ligji, ndaj u kam kërkuar ministrave, përkatësisht Mnjanit dhe Kokës që të bëhet zbatimi korrekt i ligjit. Për referendumin? Duhet të respektojmë çdo iniciativë qytetare, por përfshirja politike nuk i shërben debatit.
Zgjedhjet në Kolonjë
S’ka më rëndësi më për mua kush zgjidhet në Kolonjë. Ishte një ikje e papritur e parakohshme, e pamerituar e kryetarit që ishte. Ne do të ndjekim disa nga projektet që ai nisi me përkushtim për Kolonjën. Koalicioni do të gjejë një kandidat të mirë…
