Koalicioni me Ramën mund prishet vetëm për çështje madhore dhe jo për ato që dëgjohen nëpër media. PSh. me Berishën mund të ishim prishur për një çështje madhore si ajo e NATO-s”, tha Meta.
Ai foli edhe për takimin e sotëm, ku u përfol se u takua me ministrat e LSI-së. Meta tha se ai u takua vetëm me ministren e Integrimit për çështje që lidhen me integrimin dhe se nuk ka patur takime me ministra të tjerë.
Kreu i Kuvendit hodhi poshtë zërat se LSI-ja po kërkon me ngulm ndryshime në qeveri. Sipas tij, ndryshimet në qeveri i ka në dorë kryeministri Rama dhe jo ai.
Megjithatë, kreu i LSIsë shtoi se ai mirëpret çdo ndryshim në qeveri me iniciativë të kryeministrit.
“Tezat e ndryshimeve në qeveri, në vendin tonë nisin menjëherë pasi ajo betohet. Ndryshimet në qeveri nuk i bën LSIja por kryeministri. Ne jemi pro impulseve të reja, por ato jo gjithmonë kanë këtë kuptim”, tha Meta.
