Është rizgjedhur në detyrë si President i Azerbajxhanit Ilham Aliyev, i cili i fitoi zgjedhjet me 92.1% të votave.
Për fitoren e Aliyev, ka reaguar kryeministri Edi Rama, i cili e uron Aliyevin për rikonfirmimin në detyrë.
Për Axherbajxhanin, Rama ka thënë se është një vend i mrekullueshëm me njerëz të zellshëm, punëtorë, të cilët sipas Ramës, nën udhëheqjen e Aliyevit po bëjnë hapa të mëdhenj përpara.
Rama shkruan në rrjetin social “X” se mezi pret që të ndihmojë në hapjen e Ambasadës së re Shqiptare në Baku shumë shpejt.
“Urime të përzemërta mikut tim të dashur Ilham Iliyev për rikonfirmimin e tij si lider i padiskutueshëm i Azerbajxhanit mik, një vend i mrekullueshëm me njerëz të zellshëm, punëtorë, të cilët, nën udhëheqjen e tij, po bëjnë hapa të mëdhenj përpara! Mezi pres të ndihmoj në hapjen e Ambasadës së re Shqiptare në Baku shumë shpejt”, shkruan Rama.
