Gjatë seancës plenare së ditës së sotme, ministrja Elisa Spiropali ka reaguar mbi akuzat e ngritura nga deputeti i Partisë Demokratike Flamur Noka për përfshirjen në aferën e inceneratorëve.
Spiropali ka thënë se nuk ka lidhje me inceneratorët dhe se akuzat e ngritura nga Noka janë shpifje.
Sipas saj përgjigjet që opozita kërkon, do t’i marrë çdo herë në zgjedhjet që do të mbahen.
I akuzuar sërish nga Noka, Spiropali theksoi po ashtu se as bashkëshorti i saj nuk ka asnjë lidhje me inceneratorin e Fierit.
“Uau, më vjen shumë mirë që ka mësuar kuptimin e fjalës barbarë pomësymjet në Kuvend nuk i bëjmë ne. Raporti për zgjedhjet nuk ka arsye më të fortë pse ju humbisni zgjedhjet. Se fakti që ju gënjeni në mënyrën më trashanike të mundshme. Ju i rrini të vërtetës aq larg sa të gjitha shpifjet sado trashanike ju prapë ju përgjigjeni. Unë nuk kam përgjigje o zotëri se përgjigjen e ke aty. Po po, unë nuk kam përgjigje sepse nuk ka asgjë që më lidh mua as me inceneratorët as me këtë e as me atë. Kjo është shpifja më e madhe që kam dëgjuar në jetën time. Sa i takon, ore, ik ore zotëri, ik mos na…
Bashkëshorti im ka qenë drejtori i ujësjellësit në vitin 2010 dhe nuk ka lidhje as në këtë botë e as në atë botë, as në qiell as në tokë me inceneratorët dhe ju jeni aq i trashë sa nuk e kuptoni se bëheni kaq të pabesueshëm sa edhe çështjet që mund të ngrihen nuk ua beson njeri. Jo vetëm që ju mungon vërtetësia, por edhe zgjuarsia”, tha Spiropali/Opinion.al
