Tifozët e Borussia Dortmund ngritën disa pankarta kur lexohej: “Milan apo Madrid, e rëndësishmja është të mos jetë Dortmund! Ik mbushu Gotze.”
Presidenti i Dortmund HansJoachim Watzke ka thënë gjatë fundjavës se “dyert mbeten të hapura për ish lojtarët”, por kjo protestë të bën të mendosh se Gotze nuk është i mirëpritur në Westfalenstadion. “Mario është lojtar i Bayern.
Kontrata e tij mbaron në 2017 dhe unë nuk kam dëgjuar, si nga klubi si nga ai, që duan ti japin fund bashkëpunimit midis tyre. Në këto rrethana, ne e mbyllëm këtë çështje. Por për çdo lojtar që ka dhënë kontribut tek ky ekip i ka dyert e hapuar, padyshim.”
Gjermani ishte ndër më të adhuruarit në klub kur ishte i ri, duke lulëzuar si një nga sulmuesët më interesantë në Europë, por bëri një kalim kontravers tek rivalët e Bayern Munich në 2013.
Atje nuk ka arritur të sigurojë një vend titullari të rregullt në Allianz Arena, gjithsesi, një largim i tij në merkaton e verës ka shumë gjasa.
Liverpool ka shprehur interes të fortë për të përftuar shërbimet e sulmuesit, duke u rilidhur edhe me ish trajnerin e tij Jurgen Klopp. Duket si një nga ato historitë e merkatos që zgjasin disa muaj, por mos e mbështetni rikthimin e Gotze tek Dortmund.
