Partia për Drejtësi, Integrim dhe Unitet (PDIU) mban kongresin duke mbledhur sot anëtarësinë e saj si dhe personalitete të vendit, nga Kosova si dhe të huaj. Kryetari i PDIU përshëndeti Kongresin, duke u shprehur se objektivi është i partë, e ardhmja parashikon nesër një parti të madhe.
“Sot do të bëjmë një bilanc, cfarë ka arritur PDIU në vite, do përcaktojmë objektivat.
Ne kemi ardhur në këtë kongres, pas një sërë aktivitetesh intensive. Para pak ditësh ne zgjodhëm kryetarin e partisë, delegatët, anëtarët. Ka qenë mbreslënëse që në 2 muaj, anëtarësia arriti në 24 mijë vetë. Me këtë numër anëtarësie, me këtë infrastrukturë organizative, PDIU është nisur të bëhet një parti e madhe”, u shpreh Idrizi.
Sipas Idrizit, lumi i madh i anëtarësimeve shpjegon se shqiptarët kanë nisur të besojnë tek kauza e PDIU, patriotizmi dhe jo tek klientela. Këtë ia theksoi dhe kryeministrit Edi Rama i ftuar në sallën e Kongresit të partisë së camëve. Duke iu drejtuar kryeministrit Rama të ftuar në sallë, Idrizi theksoi se PDIU nuk ka qenë pjesë e klientelës.
“Identiteti jonë kombëtar, dinjiteti i shqiptarëve është shumë i rëndësishëm të prodhojë një qytetar me dinjitet dhe që di të japë llogari. Kjo shpjegon lumin e madh të anëtarësimeve.
Kjo do të thotë që PDIU ka votues dhe anëtarë që nuk janë pjesë e klientelës, e them këtë sepse me të tillë jemi përballur në parlament. Ata që votuan nuk janë klientët tanë, janë pronarë shpirtërorë të idealit tonë, që kanë si qëllim patriotizmin, dinjitetin e shqiptarëve. Ata që na kanë votuar janë vëllezërit tanë. Të rinj e të reja, PDIU nuk është parti e Udhëheqjes, as e kryetarit, është parti e juve, e rinisë shqiptarëve. Kush besoi në ëndrrën tuaj të djeshme do të jetë dëshmitare e zgjidhjes së saj”.
“Ju do të shihni në zgjedhjet e ardhshme sesi do të shndërrohet kjo. E them sepse në votime kam parë 84 vjecarë që votonin për PDIU për kryetarin, vinin sepse besonin tek kjo parti e shqiptarëve, shqiptarëve nga Kosova, Maqedonia, Mali i Zi, Zvicra, Gjermania, SHBA. Ishte kjo fuqi që i nxorri ata nga shtëpia”.
Idrizi garantoi se cështja çame do të zgjidhet.
“Zgjidhja e cështjes came është shumë afër. cështja e camëve do të zgjidhet, dhe do e mbaj këtë betim. Do e bëjmë realitet”.
Kreu i PDIU u shpreh se qeveria aktuale ka bërë hapa përpara në cështjen Çame. “Cështja Çame është pjesë e axhendës diplomatike mes vendeve. Ka një Rezolutë të Qeverisë mbi cështjen Çame. Por duam që cështja e ligjit të luftës të adresohet tek partnerët”.
Idrizi theksoi se mes tij dhe Ramës ka shumë teza që i ndajnë ose i bashkojnë, por duke vënë në dukje se PDIU është kthyer në një faktor të pashmangshëm të politikës shqiptare.
“Mes nesh është dhe kryeministri Edi Rama me të cilin na bashkon ëndrra për integrim, për bashkim. Ka shumë teza që na ndajnë dhe na bashkojnë, jam krenar që bashkëpunoj me të. Por dua t’ju pyes, ju, skeptikët, a do tregonte klasa jonë politike, të njëjtën cështje kombëtare, nëse nuk do ishte PDIU, a do të merrte udhë cështja Çame nëse nuk do të ishte PDIU.
Kemi pasur mbështetjen tuaj dhe për këtë ju përshëndesim. Por ne kemi fituar dhe kemi dëshmuar se jemi parti e fitoreve, 3 bashki që na caktuan i morëm sepse fitorja jonë është në ADN-në tonë”.
