Identifikohet e shpallet në kërkim autori i dyshuar i vrasjes së 28 vjeçarit Mario Majollari mbrëmjen e 10 prillit 2018 në Tiranë
Përmes një njoftimi zyrtar policia e Shtetit informon se ka arritur të identifikojë autorin dhe ta shpallë në kërkim.
Policia: “Pas një pune intensive dhe profesionale, gjatë gjithë natës dhe orëve të para të mëngjesit, fiksimit të çdo prove në vendngjarje, si dhe një sërë veprimesh të tjera hetimore, u bë e mundur zbardhja e ngjarjes. Specialistët e Sektorit për Krimet e Rënda në D.V.P. Tiranë, bënë shpalljen në kërkim të autorit të dyshuar:
- K.Gj., 40 vjeç, banues në Tiranë, i dënuar më parë.
Hakmarrja
Sipas policisë vrasja ka ndodhur për hakmarrje
Ky shtetas dyshohet se rreth orës 20:25, në rrugën “Aleksandër Moisiu”, për motive hakmarrjeje ka vrarë me armë zjarri shtetasin M.M., 28 vjeç.”
Vijon puna intensive për gjetjen dhe arrestimin e autorit të dyshuar të shpallur në kërkim.
Materialet i kaluan Prokurorisë së Rrethit Gjyqësor Tiranë për veprat penale “Vrasjes për gjakmarrje” , “Mbajtje pa leje e armëve luftarake dhe e municionit” parashikuar nga nenet 78/a dhe 278/2 të Kodit Penal, në ngarkim të shtetasit K.Gj.
