Dy autorët e dyshuar se kanë qëlluar me automatik në drejtim të makinës së biznesmenit Dashamir Gjoka janë dy vëllezër nga Shijaku.
Policia e Durrësit thotë se ata janë shtetasit E.K. 32 vjeç dhe M.K. 36 vjeç, të dy banues në Shijak dhe që janë shpallur në kërkim.
Shtetasit e mësipërm më datë 23.08.2017, në vendin e quajtur”Komuna Xhafzotaj”, Shijak, dyshohet se duke lëvizur me një mjet tip Benz kanë qëlluar me armë zjarri automatik automjetin tip Benz të blinduar (po në lëvizje) që drejtohej nga shtetasi D. Gj. 46 vjeç, banues në Shijak.
Nuk ka pasur persona të dëmtuar.
Gjatë këqyrjes në vendin e ngjarjes u fiksuan në cilësinë e provës materiale 26 copë gëzhoja, model 56, kalibër 7.62 mm.
Në cilësinë e provës materiale është bllokuar dhe mjeti tip Benz, në të cilin dyshohet se kanë qenë shtetasit e mësipërm, si autorë të dyshuar në momentin e goditjes me armë zjarri.
Grupi hetimor nuk jep më shumë detaje mbi ngjarjen për shkak të hetimeve.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Vrasja në rrethana të tjera cilësuese”në bashkëpunim e mbetur në tentativë, dhe”Prodhimi dhe mbajtja pa leje e armëve luftarake dhe e municionit” parashikuar në nenet 79,22,25 dhe 278 të Kodit Penal.
