Një prej dy terroristëve të cilët kryen sulmet mbrëmjen e së shtunës në Londër mësohet se ishte emër i dëgjuar për policinë. Policia ka deklaruar se mbi të po kryeshin hetime në mënyrë të fshehtë pasi nuk kishin arritur të mblidhnin prova të mjaftueshme. Komisioneri i Policisë në Londër deklaroi për gazetarët se Khuram Shazad Butt ishte nën vëzhgimin e policisë, por forcat special të inteligjencës nuk kishin informacione të mjaftueshme se ai mund të kryente një sulm të rrezikshëm terrorist. Momentalisht policia po punon për lidhje të agresorëve me njerëz të tjerë për të kuptuar më shumë se nga vijnë urdhërat për të tilla sulme.
Ai shtoi gjithashtu se Britania po përballet me një klimë të tensionuar për sa i përket terrorizmit. Nga sulmi i tretë i ndodhur 4 ditë më parë, humbën jetën 7 persona dhe u plagosën 48 të tjerë./Opinion.al
