Zlatan Ibrahimovic është larguar nga hoteli luksoz ku qëndrojnë futbollistët e Manchester United, që ende nuk kanë blerë shtëpi në qytetin anglez. Suedezi ka bërë çantat gati dhe sipas shtypi anglez, sulmuesi është larguar nga “Lowry Hotel” dhe do të qëndrojë në një tjetër hotel me pesë yje: “Radisson Blu”, që zakonisht përdoret nga lojtarët e Manchester City. Arsyeja e këtij ndërrimi ka qenë mungesa e pishinës në “Lowry”, atje ku Ibrahimovic dhe familja e tij jetoi në ditët e para në Angli, kur u transferua nga Parisi. Gjithsesi, familja Ibra u zhvendos në një zonë tjetër të qytetit, te hotel “Radisson”, që ka një kompleks të mrekullueshëm pishinash.
Ndoshta mund të duket se një tekë e futbollistit për t’u larguar nga dhoma e luksit në hotelin “Lowry” vetëm se nuk kishte pishinë në hotel, por drejtuesit e Manchester United e kanë kuptuar arsyen e dhënë nga lojtari që kishte nevojë për not dhe për një terapi riaftësuese në pishinë, që ai zhvillon pas çdo stërvitje. Janë të shumtë sportistët që gjatë viteve të fundit kanë ndryshuar shtëpi vetëm si pasojë e mungesës së pishinës. “Nuk ka kërkuar një dinozaur me gurë Swarowski, por thjesht një vend ku të notojë çdo ditë,” – deklaroi menaxheri i futbollistit, Mino Raiola, kur u pyet për kërkesën e Ibrahimovic për të ndryshuar hotel…
“Loyry Hotel” Hoteli ku akomodohen lojtarët e Man. Utd
“Radisson Blu” hoteli ku akomodohen lojtarët e Man. City
