Prokuroria e Shkodrës i ka përcjellë materialet Ministrisë së Drejtësë, bashkë me kërkesën për ekstradimin e Ibrahim Licit.
Ky i fundit u arrestua sipas Policisë shqiptare javën e kaluar në Turqi, lidhur me vrasjen e Endri Mustafës.
Pas kësaj pritet që Ministria e Drejtësisë ti drejtohet shtetit turk me kërkesën zyrtare të ekstradimit.
Gjykata Shkodrës, në vitin 2021, i ka caktuar Licit masën e sigurisë “Arrest në burg”, për veprat penale “Vrasja me paramendim” dhe “Mbajtje pa leje dhe prodhim i armeve shpërthyese dhe municionit”, pasi më datë 15.05.2021, dyshohet ka vrarë me armë zjarri pistoletë, Endri Mustafën.
Kujtojmë se pas publikimit të lajmit, Hamza Lici, vëllai i Ibrahim Licit deklaroi nga Turqia se ky i fundit nuk është arrestuar nga policia, por është vetëdorëzuar me qëllim për të kërkuar azil në shtetin turk për shkak se nuk ndihet i sigurtë në Shqipëri.
Ai thotë se e nuk është e vërtetë se Ibrahim Lici është arrestuar dhe shton se i vëllai i tij është i pafajshëm dhe nuk është i përfshirë në vrasje.
