Një tjetër urdhër-arresti është lëshuar për Ervis Martinajn edhe pse ky i fundit rezulton i zhdukur.
Martinaj dyshohet për vepra penale të urdhërimit të vrasjeve, ndërsa ende nuk jepen detaje se për çfarë është nxjerrë konkretisht urdhër-arresti i ri.
Policia e Shtetit dhe SPAK zbarkoi për kontrolle në banesat e të shumëkërkuarit. Kontrollet vijnë në kuadër të megaoperacionit të SPAK ku u arrestuan policë, anëtari i bandës së Bajrave, prokurorë, biznesmen, ish komisar dhe Specialisti i Drejtorisë së Krimeve në Volum.
Ende nuk dihet se çfarë kanë zbuluar në banesat e tij dhe se pse janë kryer këto kontrolle.
Martinaj, është shpallur në kërkim ndërkombëtar në kuadër të operacionit ‘Plumbi i Artë’. Bistri, sipas dosjes së prokurorisë, rezulton se bashkëpunonte me biznesmenin Gjoka, ndërsa për këto akuza ka dhe përgjime.
Sipas “BalkanWeb”, biznesmeni, kishte shtrirë aktivitetin e tij dhe te lojërat e fatit. Këta persona akuzohen për vepra të krijimit të strukturuar kriminal, apo të pastrimit të parave. Një tjetër person është dhe Ardit Hasanbega që ka qenë shef krimi në Shkodër dhe në Berat.
“BalkanWeb”, raporton se ndonëse në pamje të parë këta personazhe të lakuara më sipër nuk kanë lidhje me njëri-tjetrin, ata siç duket i bashkon grupi i strukturuar kriminal dhe lidhjet e tyre që kanë të bëjnë me zhdukjen e provave, me lojërat e fatit apo me vrasje me pagesë.
