Një 57-vjeçar, i cili dyshohet se dogji me benzinë një lokali dhe 2 automjeteve në pronësi të një 62-vjeçari në Lezhë, është shpallur në kërkim nga policia.
Sipas policisë rreth orës 00:15, në fshatin Kalivaç, Lezhë, ishin djegur me lëndë djegëse (benzinë), lokali dhe 2 automjete të parkuara në afërsi të lokalit, në pronësi të shtetasit P. Gj., 62 vjeç.
Policia e Lezhës ka organizuar punën për të identifikuar autorin/ët dhe për të zbardhur rrethanat e rastit.
Si rezultat i veprimeve të shpejta hetimore dhe procedurale të kryera në vendin e ngjarjes, brenda pak orësh, u bë i mundur identifikimi i autorit të dyshuar të rastit, shtetasit E. C., 57 vjeç, banues në Lezhë.
Vijon intensivisht puna për kapjen e 57-vjeçarit, për identifikimin dhe arrestimin e shtetasve të tjerë që mund të jenë përfshirë në këtë rast, si dhe për dokumentimin me prova ligjore të rrethanave.
