Një vilë 3-katëshe është përfshirë nga flakët pak pas mesnatës në qytetin e Beratit, në lagjen “30 vjetori”.
Objekti që u dogj është në pronësi të shtetasit D.Q., i cili prej kohësh jeton jashtë, teksa në vilë banonte vetëm babai i tij i moshuar.
Zjarrfikësit shkuan menjëherë në vendngjarje dhe bën të mundur lokalizimin e flakëve, teksa nxorën dhe të moshuarin Sh.Q.
Paraprakisht, në vilë ka dëme të mëdha në katin e saj të tretë, ndërkohë që kanë nisur dhe hetimet pasi ka dyshime që ndaj saj është hedhur benzinë dhe më pas i është vënë flaka.
Policia po mbledh kamerat e sigurisë në zonë për të përforcuar më tej dyshimet e saj për zjarrvënie të qëllimshme.
