Bllokimi i Komisioneve Parlamentare nga ana e opozitës kanë bërë që komisionet të zhvillohen edhe këtë të hënë online.
Mësohet se nga 7 komisione që pritet të mblidhen sot, deri më tani i vetmi komision që nisi fizikisht në Kryesi ishte ai për Sigurinë Kombëtare.
Por duket se dhe në këtë mbledhje ka pasur debate, mes deputetëve të opozitës dhe maxhorancës dhe mbledhja do të vijojë online.
DEBATET
Nasip Naço: Do të mblidhemi online në orën 16:00. Do ju vijë linku.
Gazment Bardhi. Online janë dhe të dhënat e TIMS, jeni duke shkelur rregulloren. Respektoni kushtetutën dhe rregulloren.
Naço: Faleminderit për prezencën.
Mësohet se në këtë komision, i cili do të mbahet me dyer të mbyllura, do të diskutojë mbi projektbuxhetin e vitit 2024, ku të pranishëm do të jenë përfaqësues të Shërbimit Informativ Shtetëror.
