Kur kanë mbetur edhe 4 ndeshja nga përfundimit i Serisë A e ardhmja e Mario Balotellit është ende në dyshim. Sulmuesi aktualisht luan me kuqezinjtë, por ai është një lojtar i Liverpool dhe në fund të sezonit do të vendoset nëse ai do të qëndrojë në Milano, do të kthehet në Premier League apo do të ketë një të ardhme tjetër.
Por orët e fundit është mësuar se kuqezinjtë janë gati t’i japin edhe një shans super-Marios, për ta mbajtur në Milanello edhe për një vit edhe pse për këtë duhet të marrin më parë miratimin nga Liverpool. Por, nga ana tjetër, sulmuesi ka 4 ndeshje për të bindur Gallianin për të qëndruar.
Sipas të përditshmes italiane “Gazzetta Dello Sport”, drejtori sportiv i kuqezinjve ka caktuar që tani një takim me kolegët e Liverpool për të diskutuar për të ardhmen e Balotellit. Edhe pse gjatë këtij sezoni sulmues nuk ka bindur shumë, duke qenë viktimë edhe një operacioni, ai kupton se kjo është mundësia e tij e fundit.
Mario duket më i pjekur muajt e fundit dhe kjo ka bindur skuadrën kuqezi t’i besojë për të ardhmen. Ai ka shansin të jetë protagonist për Milanin në ndeshjet e fundit e veçanërisht në finale e Kupës së Italisë ndaj Juventusit, për të sjellë një trofe që mungon. “Në fund të sezonit do të diskutojmë. Për momentin gjithçka është pezull, por jemi gati ta mbajmë në gjirin tonë”, tha sot Galliani.
