Ministria Ruse e Mbrojtjes i ka paraqitur një ultimatum udhëheqjes së qytetit, tashmë të rrethuar të Mariupolit, që të dorëzohet para agimit të së hënës. Por, si qeveria në Kiev ashtu edhe autoritetet e qytetit të Mariupolit kanë hedhur poshtë kategorikisht kushtet ruse.
Çfarë kishte thënë Rusia?
Ministria ruse e Mbrojtjes i ka bërë thirrje autoriteteve lokale të Mariupolit që t’ia dorëzojnë qytetin forcave ruse deri në orën 5 të mëngjesit duke premtuar se në këmbim do të ruante dy korridore humanitare për civilët që të largoheshin nga qyteti.
Si u përgjigj Ukraina?
Ukraina refuzoi afatin “Nuk mund të bëhet fjalë për dorëzim të armëve,” u citua të thoshte zëvendëskryeministrja e vendit nga gazeta e lajmeve Ukrainska Pravda.
Duke folur për BBC, një këshilltar i kryebashkiakut të qytetit tha se premtimet e Rusisë nuk mund të besohen dhe se ukrainasit do të luftojnë deri në ushtarin e fundit.
Çfarë mund të ndodhë tani?
BBC shkruan se nuk është e qartë. Moska nuk specifikoi se çfarë do të bënin trupat e saj që rrethojnë qytetin nëse ultimatumi i dorëzimit refuzohej./Opinion.al
