Socialdemokratët (SPD) dhe kancelarin aktual Olaf Scholz, exit pollët e rendisin në vend të tretë, me një përqindje potencialisht historike të ulët të votave.
Vetë Scholz u është drejtuar anëtarëve të partisë së tij në Berlin, duke pranuar humbjen.
“Ky është një rezultat i hidhur zgjedhor për Partinë Socialdemokrate, është gjithashtu një humbje zgjedhore.
Mendoj se mund të jemi krenarë për faktin që kemi punuar së bashku kaq ngushtë në kohë të vështira.
Doja që rezultati të kishte qenë më i mirë, por ne mund të luftojmë për rezultate më të mira zgjedhore në të ardhmen dhe do të njohim përgjegjësinë tonë për vendin tonë dhe do të vazhdojmë të punojmë në përputhje me rrethanat,”-tha ai.
Ai gjithashtu uroi Friedrich Merz, liderin e Partisë Konservatore Demokristiane (CDU), për fitoren e tij në zgjedhje.
