Policia e Tiranës ka vënë në pranga një 36-vjeçar, i cili në bashkëpunim me një tjetër shisnin kanabis në Lezhë.
Mësohet se 5 ditë më parë, i riu ka transportuar rreth 34 kg kanabis në fshatin Balldre.
Uniformat blu kanë arrestuat në flagrancë bashkëpunëtorin e tij, ndërsa 36-vjeçari u arratis.
“Shërbimet e Drejtorisë Vendore të Policisë Lezhë, bazuar në informacionet e siguruara nga inteligjenca informative, për vendndodhjen e një shtetasi të shpallur në kërkim në kuadër të operacionit të koduar “Vakumi”, kanë bashkëpunuar me shërbimet e Komisariatit të Policisë Nr. 3, Tiranë, për lokalizimin dhe kapjen e tij.
Si rezultat, u kap në Tiranë ndërkohë që udhëtonte me taksi dhe u vu në pranga shtetasi: M. N., 36 vjeç, banues në Lezhë. Ky shtetas ishte shpallur në kërkim pasi dyshohet se 5 ditë më parë, në rrugën e fshatit Balldre, në bashkëpunim me shtetasin D. N. (i cili u arrestua në flagrancë), po transportonte rreth 34 kilogramë lëndë të dyshuar narkotike cannabis sativa, por gjatë ndërhyrjes nga shërbimet e Policisë, duke përfituar nga errësira dhe nga njohja e terrenit, ka mundur të largohet”, njofton policia.
Vijon puna për kapjen e shtetasve të shpallur në kërkim në vijim të këtij operacioni./Opinion.al
