Një 19-vjeçar është arrestuar nga policia në Shkodër pasi ishte shpallur në kërkim për vjedhje me armë në bashkëpunim me një tjetër person.
Policia njofton se ka arrestuar të riun me inicialet D. Sh., 19 vjeç, banues në fshatin Bleran, Njësia Administrative Rrethina, Bashkia Shkodër.
Ky shtetas në bashkëpunim me shtetasin A.C, i cili është arrestuar më datë 06.09.2021, dyshohet se paraditen e datës 2 prill 2021, në fshatin Drisht, kanë vjedhur nën kërcënimin e armës, një shumë parash në dyqanin e shtetases Y. C.
Materialet iu referuan Prokurorisë Pranë Gjykatës së Shkallës së Parë Shkodër, për veprime të mëtejshme.
