Një 59-vjeçar i shpallur në kërkim ndërkombëtar është arrestuar nga policia me qëllim ekstradimi në Itali.
Mbi të arrestuarin e identifikuar me inicialet R. B., rëndojnë akuzat “Organizatë kriminale i trafikimit të lëndëve narkotike”.
Ndërkohë, mësohet se Gjykata e Palermos në Itali në vitin 2009, ka lëshuar “Urdhër Arrestin Europian” për shqiptarin.
Njoftimi i policisë:
Në vijim të punës për kapjen e personave të shpallur në kërkim ndërkombëtar, vihet në pranga një shtetas me qëllim ekstradimi drejt Italisë. Arrestohet provizorisht 59 vjeçari R. B., banues në fshatin Fitore – Vlorë, për veprën penale “Organizatë kriminale i trafikimit të lëndëve narkotike”.
Në bazë të informacioneve të marra në rrugë operative duke bashkëpunuar ngushtë me qytetarët, Strukturat e Drejtorisë Vendore të Policisë Vlorë dhe Interpol Tirana, kanë bërë kapjen e 59 vjeçarit në fshatin Novoselë të Vlorës duke e vendosur para përgjegjësisë penale si më poshtë:
Gjykata e Palermos – Itali në vitin 2009, ka lëshuar Urdhër Arrestin Europian ndaj shtetasit R. B, për veprën penale “Organizatë kriminale e trafikimit të lëndëve narkotike” parashikuar nga neni 110 i Kodit Penal Italian dhe nenet 73, 74 të Dekretit të Presidentit 309/1990. Materialet i kaluan Prokurorisë pranë Gjykatës së Shkallës së Parë Vlorë për veprime të mëtejshme./ Opinion.al E.Xh.
