Një trup i dekompozuar është gjetur ditën e sotme pranë malit të Krrabit në rrethin e Pukës.
Nga verifikimet paraprake, dyshohet se trupi i pajetë i përket Zef Nikollë Prenga, i moshës 45-vjeç i cili ishte larguar nga banesa në dhjetor të vitit 2018.
Mësohet se 45-vjeçari i lindur në Gojan i Madh, Pukë dhe banues në Krujë, kishte humbur kontaktet e tij para tre muajve, por dyshohet se trupi i tij ka qëndruar në pyll për dy muaj.
Zhdukja e Zef Nikollë Prenga, ishte denoncuar në dhjetor nga familja e tij, pasi ishte zhdukur pa lënë gjurmë, por deri më sot që u gjet kufoma e tij nuk kishte asnjë informacion për 45-vjeçarin.
Ndërkohë, policia po punon për zbardhjen e shkaqeve të vdekjes së 45-vjeçarit, nga verifikimet nuk janë kostatuar shenja dhune. Trupi i Zef Nikollë Prengas është transportuar për në morgun e spitalit të Pukës/ Opinion.al E.Xh.
