Në prangat e bluve të Beratit ka rënë 30-vjeçari Alves Hoxha, i cili prej kohësh përndiqte punonjësen e Policisë së Komisariatit të Kuçovës, 27-vjeçaren N. Q., si edhe i dërgonte mesazhe ngacmuese çdo ditë nga telefoni i tij.
30-vjeçari Hoxha nga fshati Mbroshtan akuzohet për “përndjekje” dhe ka qene i dënuar më parë për të njëjtën vepër penale me të njëjtën shtetase. Alves Hoxha kishte disa muaj që kishte dalë nga burgu dhe kishte filluar sërish përndjekjen e punonjëses së policisë, e cila bëri edhe denoncimin.
