Teksa qeveria shprehet se kapacitetet spitalore nuk janë ezauruar dhe situata është nën kontroll, një qytetar shprehet se nëna e tij ka disa orë që priste në ambulancë, pasi urgjenca nuk ka vende.
I riu nga Elbasani shprehet mes lotësh për “News24” se nëna e tij me COVID-19 po pret në ambulancë për t’u shtruar në spitalin “Shefqet Ndroqi”.
Ai shprehet se nuk mund të shoh nënën e tij duke vdekur në ambulancë, ndërsa shtoi se e nënës së tij nuk i është bërë ende tamponi dhe se kishte harxhuar 600 mijë lekë deri tani dhe nuk ishte rimbursuar.
“Është në makinë. I kemi marre vet ca bombola të vogla oksigjeni. I kemi mbushur këtu matanë. Shkarko e jep. Nuk ka vende të urgjenca. Cilët të heqim, cilët të vëmë! Pse nuk u morën masa? Pse duhet të presim? Pse ta shoh ashtu duke vdekur?! Jo në makinë si kafsha, se Zoti ia dha jetën. Ça do bëhet morë se po na plas shpirti. Nuk po durojmë dot më, u bënë ditë të tëra. Asnjë mjekë s’na e hap derën. Mirë që qëllojnë ça njerëz të urgjenca. Elbasani me një mjek specialist, ça bëhet kështu. Këtu as që merret vesh fare asgjë. Këtu është me radhë. Nëna është 70 vjeçe. Diabetin ka, por se ka pasur të lartë. Nuk e di. Se përballonim dot as nga ana ekonomike. Thonë se do rimbursohet. Tamponin s’na e bënë. Skanerin e bëra vet. Kam harxhuar 600 mijë lekë, i kam blerë në treg të zi. S’ka asnjë rimbursim.”, tha i riu nga Elbasani./ Opinion.al
