Trupi i Brunilda Kovaçit, shqiptares që u gjet e vdekur në Francë, ka mbërritur sot në Shqipëri. Por një ngjarje tjetër e rëndë ka goditur këtë familje.
Vëllai i saj, Shpëtim Kovaçi vuan prej 8 vitesh dënimin për vrasje në burgun e Beratit. Ai kishte kërkuar që të merrte pjesë në funeralin e së motrës por nuk i është dhënë leje nga autoritetet.
Për këtë arsye ai ka tentuar të vetëvritet. Shpëtim Kovaçi, ka tentuar të presë damarët e fytit me briskun e rrojës. Ai është gjetur i gjakosur në dhomë nga policët e burgut, të cilët e kanë sjellë me urgjencë drejt Spitalit Rajonal të Beratit, ku ndodhet në Sallën e Operacionit.
Mjekët e Repartit të Urgjencës kanë deklaruar se ai është jashtë rrezikut për jetën. Pas mjekimit, ai është transportuar sërish drejt IEPV-së Berat.
Brunilda Kovaçi u gjet e vrarë dhe e djegur në një pyll të Francës në 25 Dhjetor 2019. Ajo ishte punëtore sekse sipas autoriteteve franceze të cilat kanë arrestuar edhe autorin i cili ka pranuar krimin. /Opinion.al
