Një koment i një gazetari kroat gjatë transmetimit të ndeshjes Dinamo Zagreb – Skëndërbeu ka zemëruar shumë shqiptarë.
Gjatë transmetimit të ndeshjes në rrjetin publik kroat HRT, Stjepan Balog tha se ka kaluar koha kur i njihnim shqiptarët si shitës akulloresh dhe ëmbëlsirash.
Kjo gjë nuk është pritur mirë nga shqiptarët që e ndiqnin ndeshjen në atë stacion dhe si reagim gazetari ka marrë shumë mesazhe.
Komentatori i televizionit kombëtar kroat, ka dërguar një email në adresën e klubit të Skënderbeut ku ka kërkuar falje.
Ai, bashkë me ndjesën, thotë se e di se shumë shqiptarë kanë luftuar për lirinë e Kroacisë dhe e çmon këtë gjë.
“Ju lutem ta shpërndani mesazhin tim në gjithë median shqiptare”, shkruan gazetari kroat.
