Artur Allgjoni, personi i cili u plagos mëngjesin e sotëm në një nga klubet e natës në kryeqytet, mësohet se është ish-bashkëshorti i moderatores së njohur televizive, tashmë në TVSH prej disa vitesh, Hygerta Sako. Allgjoni është ndarë nga Sako në vitin 2012 pasi martesa e tyre kishte një vit që nuk funksiononte. Nga lidhja e tyre martesore ata kanë një vajzë.
Dyshohet se plagosja e sotme ka lidhje me një plagosje me thikë të kryer nga Allgjoni dy muaj më parë në Kamëz, ku 31 vjeçari plagosi shtetasin Halim Hysa, i cili mësohet se është shoqëruar nga policia bashkë me vëllain e tij për të dhënë shpjegime për ngjarjen e sotme.
Allgjoni u la lirë për plagosjen e dy muajve më parë me arsyetimin se ishte një plagosje e lehtë.
