Edhe pse i përjashtuar për 20 ditë nga punimet e seancave plenare, deputeti i PD Ervin Salianji është parë jashtë ambienteve të Kuvendit.
Teksa mbërrin në hyrjen kryesore ai shihet i shoqëruar nga disa deputetë, Gazment Bardhin, Agron Gjekmarkajn, Feridand Xhaferraj dhe Saimir Korreshin.
Në orën 17:00, pritet të fillojë seanca plenare dhe akioni i paralajmëruar nga opozita.
Disa ditë më parë, Sekretariati i Etikës vendosi përjashtimin e 19 deputetëve të opozitës që bllokuan dy herë radhazi punimet e komisionit të reformës zgjedhore.
Pas një mbledhjeje të zhvilluar online, Sekretariati i Etikës vendosi përjashtim me 20 ditë për deputetin Ervin Salianji, dhe 10 ditë për 18 deputetët e tjerë.
