Një 81-vjecare nga Uellsi, vendosi ti jepte fund jetës së saj pasi llogaria ku i derdhej pensioni ishte ngrirë si pasojë e një gabimi administrativ.
Joy Worrall, kishte deklaruar edhe më parë se nëse do të kishte probleme finaciare ose shëndetësore nuk do të shqetësonte familjen e saj por do të kryente vetëvrasje.
Djali i saj Ben Worall deklaroi se të ëmës i kishin mbetur vetëm 5 paund në llogarinë e saj bankare, pasi kishte shpenzuar të gjitha kursimet e saj pasi i kishin ngrirë pensionin.
“Mamaja ime ishte një grua shumë krenare dhe gjithmonë kërkonte ti përballonte vetë problemet e veta. Ajo kurrë nuk shtrinte dorën për ndihmë gjatë gjithë jetës së saj” thotë djali i saj për The Guardian.
Zonja Worall përvec pensionit të saj bazë përfitonte edhe një sasi bonusesh si rezultat i një trashëgimnie por në vitin 2017 pas një rivlerësimi ajo humbi të drejtën e përfitimit më këto bonuse dhe fatkeqsisht, si pasojë e një gabimi Zyra e Punës dhe Pensioneve ndërpreu edhe pensionin e saj bazë.
Pas aktit ekstrem të saj reagoi dhe zëdhënësi i Zyrës së Punës dhe Pensioneve.
“Ne kërkojmë një ndjesë të thellë familjes Worall për ndërprerjen e pagesës dhe zotohemi të mësojmë nga ky gabim,” tha ai./Opinion.al
